Deklarata e fundit e Vivien lidhur me ndarjen e saj nga reperi i njohur, Getinjo, ka krijuar një zhurmë të madhe në shtypin rozë.
Pavarësisht se ka kaluar thuajse një muaj që nga rrëfimi i saj, çdo postim i saj në rrjetet sociale merret si një “thumbim” ndaj Getinjos.
Lidhur me komentet por edhe me portalet që shkruajnë për këto postime, Viven ka vendosur të bëjë një postim në profilin e saj të Instagramit, përmes të cilit ka sqaruar njëherë e mirë që nuk po thumbon askënd sepse në fakt Getinjo nuk i intereson më fare.
“Nuk hedh thumba për askënd unë o ju portale pa lidhje, se nuk më intereson më fare. Kam jetën time, familjen time dhe nuk dua t’ia di për asnjeri tjetër në botë. Mjaft me kaq se më lodhët”, shkruan modelja bukuroshe në postimin e saj në Instastory.
