Sezoni i tretë i “Big Brother Vip Albania” do të fillojë me 13 janar 2024, ndërsa listës së personazheve VIP që po përflitet se do të bëhen pjesë e spektaklit iu ka bashkuar edhe një personazh i ri.
Bëhet fjalë për këngëtaren e njohur shqiptare, Blerona Qerreti e cila sipas disa burimeve do ti bashkohet listës së personazheve që pritet të marrin pjesë në këtë spektakël.
Prej kohësh, këngëtarja ka qenë larg vëmendjes së mediave në Shqipëri, ndërsa duket se po tenton sërish famën në atdhe duke marrë pjesë si konkurente në këtë format, megjithëse një lajm i tillë akoma nuk është konfirmuar nga faqja zyrtare e këtij reality shoë.
Kujtojmë që deri tani në rrjet kanë qarkulluar disa emra personazhesh VIP që do të bëhen pjesë e spektaklit si, Roza Lati. Efli Tako, Olsi Bylyku, Romeo Veshaj, Adelina Tahiri dhe shumë të tjerë.
