Këngëtarja e njohur, Era Istrefi dhe futbollisti shqiptar i Napolit, Amir Rrahmani, e kanë pritur së bashku natën e ndërrimit të viteve.
Këtë e kanë zbuluar përmes postimeve në rrjetet sociale. Era ka ndarë me ndjekësit disa imazhe ku shfaqet me partnerin dhe bashkëngjitur me pozat ka shkruar: “Amo”.
Istrefi shfaqet e veshur me një fustan të zi të zbukuruar me një fjongo me ngjyra metalike te këmba. Nga ana tjetër, futbollisti u kombinua me të dashurën pasi u shfaq i veshur i gjithi në ngjyrë të zezë. Çifti shihen se po shijojnë festat nën shoqërinë e njëri-tjetrit.
