Një reportere e “Golden Globes” ka kërkuar publikisht ndihmë nga të gjithë ata që ishin të pranishëm në event pasi ka humbur diamantin katër karatësh në tapetin e kuq.
Ditën e dielë, më 7 janar Keltie Knight, një korrespondente e “E! News”, ka qënë duke raportuar “Live” tapetin e kuq të ceremonisë së ndarjes së cmimeve, në momentin që ka vënë re se i mungonte guri i unazës.
“Përshëndetje të gjithëve, një emergjencë në Golden Globe. Nëse je një i famshëm dhe shikon një diamant katër karatësh në tapetin e kuq, ju lutem t’ia ktheni atë Keltie Knight të E! News, sepse nuk po e gjen më dhe është një dimant i vërtetë”, ka thënë Knight në një video të postuar në profilin e saj të Instagramit vetëm pak kohë pasi tapeti i kuq ka përfunduar.
Në video gazetarja ka treguar gjithashtu edhe unazën në fjalë, e cila dukej qartë që i mungonte guri.
Knight ka publikuar gjithashtu një foto, në të cilën shihet duke u zvarritur në tapetin e kuq, në përpjekje për të gjetur diamantin e humbur.
