Aktori i njohur i humorit Ermal Mamaqi i është përgjigur për herë të parë deklaratës së Luiz Ejllit, i cili disa javë më parë tha se aktori është shkrimtar më i mirë së sa humorist.
Teksa ishte i ftuar në emisionin “Ëake UP”, Ermali tha se Luizi i ka dhënë këto fjalë pasi është mërzitur dhe për të marrë “hak” ndaj deklaratës së tij kohë më parë ku u shpreh se fituesi i “Big Brother VIP” është aktor më i mirë se sa këngëtar.
“Luizi bëri një goditje poshtë brezit me këtë histori, ka diçka që e ka mërzitur, por ajo që kam thënë unë për Luizin ka qenë e sinqertë. Nuk kam thënë s’di te këndojë. Kam thënë më pëlqen më shumë si aktor se sa si këngëtar se nuk i kam ndjek këngët e tij. Ai është mërzitur për këtë mesa duket. Por le ta lëmë me kaq e mos merremi më me këto muhabete”, u shpreh Ermali.
