Aktori i njohur, David Gail, ka ndërruar jetë në moshën 58-vjeçare. Ai u bë i famshëm për pjesëmarrjen në filmat “Beverly Hills, 90210” dhe “General Hospital”.
Lajmin e trishtë e ka bërë të ditur e motra e aktorit, Katie Colmenares, e cila një ditë më parë bëri një postim në rrjetin social “Instagram”.
Në postimin në fjalë, Katie shkruan se “pa aktorin, nuk do të jetë më e njëjta gjë dhe se i mungon në çdo çast”.
“Nuk ka pasur asnjë ditë të vetme në jetën time që të mos ishe me mua, pranë meje. Gjithmonë shoku im më i mirë, i gatshëm të përballej me çdo gjë dhe këdo. Unë kurrë nuk do të jem e njëjta, por do të të mbaj aq fort çdo ditë në zemrën time, person i bukur, i dashur, i mrekullueshëm që më mungon çdo sekondë të çdo dite përgjithmonë”, shkroi e motra në “Instagram”.
