Britney Spears i ka kërkuar falje ish-të dashurit Justin Timberlake për disa nga gjërat që ka shkruar në libri e saj me kujtime, të publikuar vitin e kaluar, “The Woman in Me”.
Krijuesja e hitit “Toxic”, 42 vjeç, është shprehur se ndihet shumë keq nëse pa dashur ka ofenduar njerëzit për të cilët ajo vërtet ka respekt, ndërkohë që ka vlerësuar këngën më të re të Timberlake, “Selfish”, që u publikua më 25 janar.
Në kujtimet e saj, Spears bëri një sërë zbulimesh rreth lidhjes së saj 3-vjeçare me yllin e popit 42-vjeçar, duke përfshirë edhe vendimin e saj për të kryer një abort, sepse Timberlake padyshim nuk ishte i lumtur që ajo ishte shtatzënë.
Ajo gjithashtu përshkroi pasojat mediatike nga videoklipi i Timberlake në 2002 për hiti e tij të ndarjes “Cry Me a River” që e përshkruante atë si një “prostitutë që kishte thyer zemrën e djalit të artë të Amerikës”.
Videoja, e publikuar pas përfundimit të marrëdhënies së tyre, shfaqte një grua me flokë bjonde dhe nxiti thashethemet se ai dhe Spears ishin ndarë sepse ajo e tradhtoi atë.
“Dua të kërkoj falje për disa nga gjërat për të cilat kam shkruar në librin tim”, shkroi Spears në një postim në Instagram, të shpërndarë të dielën më 28 janar.
“Nëse kam ofenduar ndonjë nga njerëzit për të cilët me të vërtetë kam respekt, më vjen shumë keq.”
Postimi i saj përfshinte një video të Timberlake gjatë një paraqitjeje të fundit në shfaqjen me të njëjtin emër të komedianit amerikan Jimmy Fallon.
Këngëtari iu bashkua Fallon dhe grupit hip-hop amerikan The Roots për të performuar një përzierje të hiteve të tij më të mëdha, duke përfshirë “Señorita” dhe “Sexy Back” gjatë episodit të së premtes së kaluar.
Në postimin e bërë në profilin e Spears në Instagram, që aktualisht është bërë privat, këngëtarja ka shtuar më tej: “Doja gjithashtu të thoja se jam e dashuruar me këngën e re të Justin Timberlake, ‘Selfish’.
