Modelja dhe ish-banorja e “Big Brother VIP Kosova”, Juliana Nura ditën e sotme teksa ishte e ftuar në emisionin “Dita e re”, ka folur më shumë për rastet e bullizimeve dhe kërcenimeve që po ndodhin në vendin tonë.
Ajo tha që më shumë ngjarje të tilla ndodhin në Shqipëri dhe Kosovë sesa në gjithë gjysmën e europës.
Juliana u shpreh se çdo familje e ka nga një pedofil, pasi sipas saj këto raste ndodhin nga rrethi jonë i afërt dhe jo nga njerëz që jetojnë në një vend tjetër.
“Që kur kam dalë nga ‘Big Brother’ sa shumë raste të tilla kanë ndodhur. Një popull kaq i vogël që jemi kemi që kufizon Kosovën dhe Shqipërinë, kemi raste më shumë sesa gjysmën e europës po ta marrim bashkë. E kemi tabu seksin. Unë e kam thënë një fjali që nuk jam penduar kurrë që e kam thënë por ndoshta ka qenë pak e ashpër. E kam thënë në ‘Big Brother’ që çdo familje e ka nga një pedofil. Sepse kur e shikon historinë tonë, pedofili nuk vjen nga një qytet tjetër po nga vendi jot, sepse ka lidhje me fëmijën tënd, famijarët, shkolla, njerëzit nga vendi ku jeton ai fëmijë.”– u shpreh ndër të tjera Juliana Nura.
