Në orët e para të mëngjesit kur banorët ishin në dhomën e gjumit dhe po bëheshin gati për të fjetur, Roza Lati shkon dhe ngjitet sipër shtratit të Romeo Veshajt. Teksa aktori mbulohet nën jorgan ajo e godet atë me këmbë. Pasi moderatorja largohet nga krevati i tij, Romeo thotë që ndjen shumë dhimbje shpine.
“O sa më ka dhembur”, i thotë ai Heidi Bacit.
Edhe pse shumica e banorëve në shtëpi e kanë marrë me të qeshura këtë situatë, mesa duket kjo gjë nuk është parë aspak në kontekstin e shakasë nga fansat.
Shumë nga komentuesit e kanë konsideruar si dhunë dhe kërkojnë zarf të zi nga produksioni për Rozën. Disa të tjerë thonë gjithashtu se po të kishte ndodhur e kundërta ‘do të bëhej nami’.
