Babai i Hailey Bieber, Stephen Baldëin, ka thënë së fundmi diçka që ka shqetësuar jo pak fansat e Justin Bieber dhe gruas së tij, pasi në një postim në rrjetet sociale ka kërkuar nga fansat që të luten për marrëdhënien e Hailey dhe Justin.
Padyshim që kjo shkaktoi një valë aludimesh për situatën martesore të çiftit, duke mos përjashtuar divorcin e mundshëm. Megjithatë, Hailey tashmë i ka vënë ujë të ftohtë situatës.
“Postimet e vazhdueshme që shoh në TikTok janë 100% të gabuara. Të krijuara nga ajri… vijnë nga vendi i iluzionit”, shkroi Hailey. “Kështu që unë e di se mund të jetë argëtuese të ushqehesh me këto postime, por vetëm dijeni se ato janë false. Më vjen keq”.
Për nder të ditëlindjes së tij të 30-të, superylli i popit Justin Bieber u nderua me një figurë të re dylli në Madame Tussauds. Ai ka festuar edhe me një mesazh shumë romantik nga Haley Bieber.
