Meritoni bëri një rrëfim prekës gjatë spektaklit të së shtunës, duke treguar për herë të parë se djali i tij ka çrregullime të spektrit të Autizmit. Sipas moderatorit, shkak për ndarjen nga nëna e të birit ka qenë konflikti se ku do jetonin pas lindjes së djalit. Ai tha se djalin e tij e takoi për herë të parë kur ai ishte dy vjeç, pasi nuk mund të udhëtonte sepse nuk kishte vizë, duke shtuar se ka muaj që nuk e takon sepse ish-partnerja nuk e lejon. Për këtë, ai i bëri dhe një kërkesë publike, duke i kërkuar që t’i lënë mënjanë mosmarrëveshjet për djalin e tyre.
Të nesërmen e rrëfimit të tij, nëna e djalit të Meritonit, Egesta, në mediat sociale la të kuptohet se rrëfimi i Meritonit nuk është i vërtetë. Ajo ndau një foto të djalit nëm Instastory duke shkruar: “Mos u brengos zemër, e vërteta gjithmonë do të fitojë. Së shpejti…”
