Stilisti italian Roberto Cavalli është ndarë nga jeta në moshën 83-vjeçare, ka njoftuar kompania.
“Kompania Roberto Cavalli ndan ngushëllimet për humbjen e familjes së zotit Cavalli”, tha Sergio Azzolari, shefi ekzekutiv i Roberto Cavalli në një postim në Instagram.
Cavalli ishte i njohur për printet ekzotike. Kompania që ai themeloi shet veshje luksoze, çanta dore, këpucë dhe parfume.
“Me pikëllim të madh sot i themi lamtumirën e fundit themeluesit tonë Roberto Cavalli”, shkruhet në profilin zyrtar të kompanisë.
“Nga fillimet modeste në Firence, Roberto arriti të bëhej një emër i njohur globalisht, i dashur dhe i respektuar nga të gjithë. Natyrshëm i talentuar dhe krijues, Roberto besonte se të gjithë mund ta zbulojnë dhe ushqejnë artistin brenda vetes. Trashëgimia e Roberto Cavalli do të jetojë përmes krijimtarisë së tij, dashurisë së tij për natyrën dhe familjes së tij që ai e çmonte.”
