Një nga momentet që u komentua gjerësisht spektaklin e mbrëmjes së djeshme ishte paqja që Romeo Veshaj dhe Meriton Mjekiqi bënë me njëri-tjetrin, pas debateve e përplasjeve të forta që dy banorët kanë patur gjatë qëndrimit në shtëpi.
Mirëpo ky ribashkim i tyre nuk i bind banorët e tjerë të “Big Brother VIP3”, të cilat kanë nisur të komentojnë raportin e tyre. Erjola Doçi në një bisedë me Egla Cenon në living shprehet se ata u bënë sërish miq por për interes të njëri-tjetrit, për t’i shpëtuar eliminimit dhe për të marrë më shumë vëmendje. Sipas Erjolës, Meritoni do ta “godasë” sërish Romeon.
Pjesë nga biseda:
Egla: Ti mendon që janë bashkuar për interes?
Erjola: Nga ana e Meritonit të jem e sinqertë, po, sepse ai e goditi Romeon, mund të ketë qenë edhe i influencuar kur e ka bërë.
Egla: Mirë po ti nuk e dëgjove, analizën time që thashë të dy janë në një proces metamorfoze, njëri për mirë, njëri për… ku di unë, ndërkohë që ky Meritoni e ka nisur metamorfozën shumë më herët dhe ka ndërruar lëkurë disa herë
Erjola: Siç vura bastin me Riken, nuk e di a do jem këtu a do jem jashtë nuk i dihet publiku e vendos, por unë e jam e sigurt që Meritoni do e godasë përsëri Romeon. Unë për këtë heq kokën.
Egla: Këtu brenda?
Erjola: Po, po këtu brenda. Se çfarë do të ndodhë…me thënë të drejtën Meritoni më duket aq i cekët.
