Modelja Beniada Nishani së fundmi ka qenë e ftuar në emisionin “Në Kurthin e Piter Pan”, ku është vënë përballë disa pyetjeve nga gazetarët e vegjël.
E teksa të fëmijët ishin kuriozë për të ditur më shumë rreth modelingut, ish-banorja e “BBV” tregoi se prindërit e saj kishin dëshirë që ajo të bëhej doktoreshë.
Beniada tha se kastin e parë e ka bërë në moshën 16-vjeçare në Milano, ndërsa pasi u fut në botën e modelingut, i ati filloi ta mbështesë atë.
“As mami, as babi. Babai donte të bëhesha doktoreshë. Mami më linte të lirë. Unë u bëra modele sepse e ndiqja shumë modelingun. Ikja fshehurazi në kaste. Herën e parë shkova në Milano 16 vjeç edhe kasti i parë shkoi mirë, pasi nisa modelingun babi nisi të më mbështesë”- tha modelja.
