Pasi doli nga shtëpia e Big Brother Vip 3, e renditur e katërta, Heidi u shpreh për Top Channel se e ka shijuar këtë eksperiencë dhe se publiku njohu karakterin dhe njeriun që ajo është.
Por, modelja nuk i ka shpëtuar pyetjeve pikante të gazetarit Ronaldo Sharka. Ky i fundit e pyeti se nëse çifti do e kalonte mbrëmjen bashkë.
Gazetari: A do të flesh me Romeon sonte?
Heidi: Jo, jo! Nuk i bëj këto gjëra unë direkt kështu, çfarë thoni! (qesh)
Kujtojmë se Heidi u surprizua në finale nga babai i saj, i cili dha aprovimin për lidhjen e vajzës së tij me Romeon. Po ashtu, ai pati edhe mundësinë që të takohej me aktorin, me të cilin bisedoi për disa minuta.
Sesi do vijojë romanca mes Heidit dhe Romeos, mbetet të shihet me kalimin e kohës.
