Bruce Willis dhe Demi Moore mund të jenë ish-bashkëshortë, por ata janë gjithashtu miq të përjetshëm. Në publikimin e saj të fundit, Moore ndau në mediat sociale një foto me ish bashkëshortin e saj të bërë 25 vjet më parë.
Dhe për të treguar se sa larg shkojnë atmosferat e mira, gruaja aktuale e Willis, Emma Heming Willis, tregoi mbështetjen e saj në fotografinë e ëmbël. “Nga arkivat e Kanës, rreth vitit 1997”, shkroi Moore krahas imazhit që postoi në Instagram.
Fotoja tregon çiftin në tapetin e kuq në festivalin vjetor të filmit për premierën e filmit fantastiko-shkencor të Willis, “Elementi i Pestë”, ku ai është veshur me një smoking tradicional të zi dhe Moore duke qëndruar pranë tij me një fustan mahnitës me nuanca të kuqe dhe të zeza.
“Të gjitha ndjenjat”, komentoi Heming Willis. “E bukur.”
Më pas Moore iu përgjigj asaj me një varg emoji zemre.
Shkëmbimi vjen më pak se dy muaj pasi familja e Willis njoftoi se aktori i dashur po largohej nga karriera e tij 42-vjeçare në ekran për shkak të diagnostikimit të tij me afazi, një çrregullim që ndikon në aftësinë e një personi për të komunikuar.
