Dashi
Merreni më shtruar! Do shkëlqeni këtë javë falë iniciativave që keni marrë. Parashikohen ide dhe aftësi për të përfshirë dhe magjepsur ata që ju rrethojnë. Është një moment i bukur dhe duhet ta shfrytëzoni sa më shumë, kjo stinë vazhdon t’ju shohë mes protagonistëve të saj, ndaj tregojeni veten!
Demi
Aspak të durimshëm nuk po tregpheni. Në dashuri dhe në marrëdhëniet me miqtë dhe të afërmit ka intolerancë, që nuk ka gjithmonë arsye për të ekzistuar. Edhe në punë duket se keni qenë paksa të hallakatur këto kohët e fundit, por kjo është vetëm si pasojë e lodhjes dhe stresit. Pse të mos i lejoni vetes t’i ulni pak ritmet, që të qetësoheni, fundja jo çdo gjë është në dorën tuaj.
Binjakët
Binjakë keni nevojë për një moment reflektimi. Yjet e horoskopit ju befasojnë dhe ju ndihmojnë për ndërtimin e një strategjie që hedh themelet për të ardhmen tuaj. Kjo nuk është thjesht një ndjesi, gjërat janë pikërisht kështu. Diçka mund të ndryshojë për ju, gjithmonë nëse do ta dëshironi. Shfrytëzojeni këtë kohë për të realizuar planet tuaja me kujdes për të arritur në majë.
Gaforrja
Ku shkoi strategjia juaj? Jeni ndër shenjat më me fat dhe më të përkëdhelura nga yjet për momentin. Para së gjithash, dashuria e konsoliduar në një marrëdhënie të gjatë, apo krejt të re, ju ka rikthyer gjallërinë dhe ngjyrat në ditët tuaja. Tani po ndjeni gëzimin dhe kënaqësinë për të cilat keni luftuar aq shumë. Më në fund do të ndiheni të motivuar dhe entuziastë për punën tuaj duke marrë shpërblim për mundin tuaj.
Luani
Prej kohësh nuk jeni më protagonistë dhe fitues siç do të donit, por krejt e kundërta. Yjet janë sfidues në çdo fushë të jetës suaj, që nga ajo e afeksionit, e karakterizuar nga tensione dhe mëri, e deri tek ajo e punës, ku kohët e fundit duket se nuk po bëni asgjë siç duhet. Qëndroni të qetë dhe përpiquni të mos humbni përqendrimin me gjëra të vogla.
Virgjëresha
Po shkëlqeni për mrekulli. Më në fund duket se gjërat po shkojnë në vendin e vet. Një problem në shtëpi duket se ka gjetur zgjidhje dhe më në fund jeni çliruar nga një shqetësim që ju ka kapluar zemrën. Është koha të mendoni pak edhe për veten, pasi keni menduar aq shumë për të tjerët, asgjë nuk kthehet pas.
Peshorja
Për fat po ju kthehet dëshira për punë. Perspektiva të reja priten për ju.. Harroni ç’ka ndodhur dhe vazhdoni përpara. Ky është qëndrimi që duhet të mbani në ditët në vazhdim dhe të përgatiteni për një fillim të ri. Ndani me veten se nga cila anë do peshoni, ndjenjat apo arsyeja.
Akrepi
Akrepë të dashur, nuk mund të themi se këto janë ditë të lehta për ju, përkundrazi. Do të shikoni se do t’ju duhet të luftoni edhe për gjërat më të thjeshta, që papritmas janë bërë të ndërlikuara. Yjet ju kërkojnë që të bëni durim dhe të tregoni mirëkuptim, sepse po bëhet gjithmonë e më e vështirë të merreni vesh me të tjerët, dhe kjo është sfida juaj sot.
Shigjetari
Shigjetarë pasionantë, kur jeni të bindur për diçka, një projekt, një iniciativë, një objektiv, entuziazmi juaj është aq magjepsës, sa është praktikisht e pamundur të mos bësh tifo për ju. Ka megjithatë nga ata njerëz që nuk po ju njohin më, sepse këto kohë duket sikur jeni tërhequr. Ju duhet të shikoni përreth dhe të rizbuloni diçka që jua rindez pasionin, është me të vërtetë shumë e rëndësishme, vërini vulën vendimeve tuaja.
Bricjapi
Periudhë e paqartë për ju. Fjalët ngazëlluese që thamë për shenjat e tjera vlejnë edhe për ju. Kur të gjitha këto energji bashkohen për t’i dhënë hov një shenje, ka pak për të thënë përveçse, përkushtojuni fort gjërave që ju interesojnë, sepse qielli i favorshëm pret pikërisht këtë nga ju. Vazhdoni përpara me gjithë shpejtësinë, koha nuk pret.
Ujori
Të dashur Ujorë, po kaloni ditë me fat. Yjet presin që t’i futeni punës që të shfrytëzoni të gjitha avantazhet dhe lehtësitë që ata ju japin në këtë kohë vërtet të veçantë. Mos harroni se dhe Jupiteri ju mbështet, praktikisht të gjitha dëshirat tuaja mund të bëhen realitet, gjithmonë nëse do të dini si të veproni dhe nuk do të rrini pasivë. Shikoni përreth për shanset që ju ofrohen.
Peshqit
Peshq të dashur, kjo periudhë ju gjen sërish aktivë, falë energjisë shpërthyese që ju jep planeti juaj, Marsi, që ju bën edhe më dinamikë se zakonisht. Në fakt, jeni të përfshirë nga një vorbull angazhimesh këto ditë, por duhet të shmangni punën e tepërt, pasi do t’ju shterrojnë energjitë, mos u dorëzoni!
