Këngëtarja shqiptare Bleona Qerreti është rikthyer në vendlindje për të kaluar disa ditë pushimi në jug të Shqipërisë. Ajo ka ndarë me ndjekësit e saj një postim në Instagram, ku shfaqet në plazhin e Jalës, në shoqërinë e babait të saj dhe qenit të saj Jonny, duke e cilësuar këtë moment si “Shqipëria ime.”
Përveç pushimeve, Bleona ka bërë të ditur se është angazhuar në projekte muzikore. Në disa InstaStory, ajo ka lënë të kuptohet se mund të jetë pjesë e Festivalit të 63-të të Këngës, edhe pse pjesëmarrja e saj nuk është konfirmuar ende. Kjo sugjeron se Bleona mund të kthehet me muzikë të re dhe ndoshta të konkurrojë për të përfaqësuar Shqipërinë në Eurovision 2025.
