Këngëtari i famshëm, Justin Bieber, duket se shpreson të bëjë paqe me ish-të dashurën e tij, Selena Gomez, pasi mirëpriti fëmijën e tij të parë me Hailey Bieber.
Mediat e huaja shkruajnë se Jack Blues Bieber erdhi në jetë muajin e kaluar dhe duket se artisti tani po reflekton për marrëdhëniet e tij të kaluara.
Sipas një burimi, Justin është “i qetësuar” që kur u bë baba dhe shpreson të rregulloje gjërat me Selenën dhe të dashurin e saj Benny Blanco.
Ata thanë se Justin nuk ka asgjë tjetër veç paqes dhe dashurisë për të gjithë tani. Ndërsa prioriteti i tij është të kujdeset për të porsalindurin, burimi shpjegoi se ai ka një “listë të njerëzve me të cilët dëshiron të bëjë paqe”.
Duke folur për revistën “Life and Style”, burimi shtoi:
“Benny dhe Selena janë në krye të listës dhe ai ka vendosur të përpiqet përsëri të rregullojë raportet me ta. Ai thotë se do t’u shkruajë atyre një mesazh vërtet të përzemërt. “Ai ndihet kaq i bekuar tani dhe kjo e ka shtyrë atë të dëshirojë të përhapë dashurinë dhe energji të mirë”.
Ndërkohë kujtojmë se Justin dhe Selena filluan të takoheshin në vitin 2009 pasi ai i bëri serenatë me këngën e tij One Less Lonely Girl në natën e Vitit të Ri të Dick Clark. Megjithatë, ata u ndanë për herë të parë dy vjet më vonë.
Vetëm një muaj më vonë, Bieber ndezi thashethemet për romancë me gruan e tij tashmë Hailey Bieber. Megjithatë, doli të ishin vetëm thashetheme dhe mars 2018, Selena dhe Justin u rikthyen.
Gjashtë ditë më vonë, dyshja vendosën të bënin një pushim dhe nuk u desh shumë kohë që Justin dhe Hailey të rindeznin marrëdhënien e tyre.
