Teksa mes Fedez dhe Tony Effe ka nisur një ‘luftë’ mes tyre përmes diss-eve, Chiara Ferragni ka vendosur që të thotë diçka.
“Bëni çfarë të doni, por lërini të gjithë të qetë, mua dhe fëmijët e mi, faleminderit”, ka shkruar influencuesja e famshme në një postim në “Instastory”.
Ky reagim vjen pasi ish-bashkëshorti i saj e ka përmendur atë në këngën me të cilën sulmoi Tony Effe-n (“Ti i shkrove gruas time ndërsa më përqafove”).
Ndërsa nga ana tjetër, Tony flet edhe për Ferragni-n dhe fëmijët që ka me Fedez, Leone dhe Vittoria.
“Chiara thotë se më adhuron, thotë se mezi priti”, “Ajo ka qëndruar pranë teje gjatë sëmundjes dhe kur ka pasur nevojë ti ke ikur”, “Ti ke pasur fëmijë vetëm për t’i postuar, kushedi çfarë do të mendojnë. kur të rriten” janë disa nga vargjet e ‘Chiara’.
Për më tepër, Tony Effe i përmend të dy fëmijët, duke përdorur të kundërtën e kuptimit të emrave të tyre: “Duhet ta quash vajzën tënde tjetër të mundur” dhe “nuk dukesh si djali yt, e quajte atë (Leone), por je një lepur”.
