Supermodelja 43-vjeçare, me origjinë braziliane, Adriana Lima ndau lajmin e lumtur me ndjekësit se është martuar me partnerin e saj Andre Lemmers.
Engjëlli i Victoria’s Secret postoi një foto të unazave të tyre të martesës dhe shkroi: ” Zyrtarisht zonja Lima Lemmers ose Lemmers “.
Së fundmi Lima ka publikuar disa foto të saja nga një udhëtim në Abu Dhabi, ku mesa duket është realizuar edhe fotoja në fjalë.
Çifti filloi lidhjen në fillim të vitit 2021 dhe u shfaqën për herë të parë së bashku në tapetin e kuq në Festivalin e Filmit në Venecia.
Lima mirëpriti fëmijën e saj të të parënme Lemmers në gusht të 2022.
Çifti mirëpriti një djalë, të cilin e quajtën Cian Lima Lemmers. Një burim i afërt me çiftin i tha People se emri i djalit të tyre ishte frymëzuar nga ngjyrat e bukura të ujit në destinacione si Maldivet, Bahamas dhe Bora Bora.
Modelja ka edhe dy vajza, Valentina 12-vjeçare dhe Sienna 9-vjeçare, me ish-bashkëshortin dhe basketbollistin serb Marko Jaric.
Ndërkohë, Lemmers është producent filmash dhe ndryshe nga modelja nuk ka prezencë në rrjetet sociale. Ai ka qenë CEO i MiLu Entertainment që nga viti 2014 dhe është gjithashtu partner në Hollywood Gang Productions.
