Këngëtarja Tayna ka zbuluar më shumë detaje rreth kanalit të saj në YouTube, ku përveç këngëve të saj, ndodhen edhe ato të reperit Finem. Në një intervistë për “Prive”, Tayna shpjegoi se kanali ka ndryshuar disa herë emër dhe për këtë arsye ka këngë të artistëve të tjerë, duke vendosur të mos i fshijë ato.
Në lidhje me faktin që Finem nuk e ndjek më, Tayna shprehu se nuk ka asnjë problem me të, duke shtuar se nuk e di arsyen pas këtij ndryshimi dhe se mund të lidhet me ish-menaxherin e tij.
Përveç kësaj, Tayna u ndal dhe tek mbështetja që ka marrë nga kolegët e saj, duke u surprizuar nga dy miq të ngushtë. Mc Kresha e ka uruar për sukseset dhe ka theksuar se vitin që lamë pas, Tayna ka vërtetuar potencialin e saj të vërtetë.
