Gjatë dasmës së organizuar për Jozin dhe Loredanën në shtëpinë e “Big Brother VIP Albania”, ndodhi një incident i papritur. Në një moment tensioni, Gerta Gixhari i hodhi alkool në sy Gjestit, duke i shkaktuar irritim dhe rritje të tensionit në sy.
Për shkak të shqetësimeve shëndetësore këngëtari u detyrua të largohej përkohësisht nga shtëpia për të marrë ndihmë mjekësore.
Disa orë më vonë, pasi gjendja e tij u përmirësua, ai u rikthye në shtëpi. Pas këtij incidenti “Vëllai i Madh”, dërgoi një zarf të zi, duke njoftuar se veprimi i Gertës kishte tejkaluar kufijtë e pranueshëm. Si pasojë, televotimi aktual u anulua.
Masat që do të merren ndaj Gertës pritet të bëhen të ditura gjatë spektaklit Prime të së martës.
