Joz Marku është përjashtuar nga shtëpia e “Vëllait të Madh” pas një debati të ashpër me Gjestin, ku përdori fjalë ofenduese.
Gjatë një diskutimi pas spektaklit, Jozi i tha Gjestit “kopil shkine” dhe e kritikoi për mos kërkimin e faljes lidhur me incidentin gjatë dasmës së tij dhe Loredanës. Për këtë fjalë të rëndë, Vëllai i Madh mori menjëherë vendimin për përjashtimin e tij. Disa banorë e mirëpritën këtë vendim, ndërkohë që të tjerë, si Loredana dhe Valbona, shpërthyen në lot dhe patën diskutime me Gjestin.
Reagimi i ish-banorit të “BBV 4”, Zebërvok, lidhur me videon e Valbonës që qan për daljen e Jozit ishte ironik, duke përmendur se Valbona ka marrë stafetën nga Rozana në shpërthimet emocionale. Po ashtu, Jozi ka kërkuar ndjesë publike përmes një postimi në Instagram.
