Shkollat në Britani do të prezantojnë mësime kundër mizogjinisë për të luftuar maskulinitetin toksik, pas suksesit të serialit të Netflix “Adolescence”, i cili trajton ndikimin e ideve mizogjene në internet te djemtë e rinj. Këto klasa janë pjesë e udhëzimeve të reja qeveritare për edukimin mbi marrëdhëniet, shëndetin dhe seksualitetin (RHSE), që do të hyjnë në fuqi këtë vit akademik.
Programi synon të mësojë nxënësit mbi marrëdhëniet e shëndetshme, pëlqimin dhe menaxhimin e emocioneve. Fëmijët në shkollat fillore do të mësojnë për kufijtë dhe respektin, ndërsa në shkollat e mesme do të trajtohen tema më komplekse si dinamika e fuqisë në marrëdhënie.
Vendimi erdhi pas shqetësimeve për ndikimin e përmbajtjeve mizogjene online dhe figurave si Andrew Tate te adoleshentët. Kryeministri Sir Keir Starmer ka mbështetur idenë që seriali të shfaqet në shkolla dhe parlament për të hapur debat mbi këtë çështje.
