Pas muajsh spekulimesh dhe zërash për ndarje, Stresi ka konfirmuar publikisht rikthimin me Keisin, tashmë partneren e tij. Çifti i njohur, që ka qenë shpesh në qendër të vëmendjes për raportin e tyre të luhatshëm, janë shfaqur sërish bashkë, këtë herë në një nga klipet më të fundit të reperit.
Lajmi është pritur me entuziazëm nga ndjekësit dhe figura të njohura publike, të cilët kanë reaguar në rrjete sociale duke përgëzuar vendimin e çiftit. Një ndër komentet më të spikatura ka ardhur nga modelja Arbenita Ismajli, e cila ka vlerësuar gjestin e Stresit me fjalët:
“Një duartrokitje për Stresin, u tregua shumë burrë.”
Ky reagim është konsideruar si mbështetje publike për ribashkimin e çiftit dhe një mesazh pozitiv për dashurinë që sfidon vështirësitë.
