Dy incidente pothuajse identike që përfshinin shembje urash dhe dalje trenash nga shinat ndodhën brenda pak orësh në Rusi. Edhe pse deri këtë mëngjes autoritetet ruse nuk i lidhën zyrtarisht dy incidentet, një senator aludoi për sabotim, duke treguar drejtimin e Ukrainës.
Një aksident ndodhi të shtunën në mbrëmje, në orën 22:44, në rajonin e Bryansk, kur një urë rrugore u shemb mbi shinat hekurudhore, duke rezultuar në daljen nga shinat e një treni pasagjerësh.
Guvernatori i rajonit të Bryansk , Bogomaz, raportoi nëpërmjet Telegram se “për shkak të shembjes së një ure mbi shina, për fat të keq kemi 7 të vdekur”. Ai foli gjithashtu për 66 të plagosur, përfshirë 3 fëmijë.
Tre viktima, nga të cilët një fëmijë është në gjendje të rëndë, ndërsa 47 persona janë të shtruar në spital.
