Moderatorja e njohur Heidi Baci dhe aktori i humorit, Romeo Veshaj, prej më shumë se një viti u përfolën për një ndarje, të cilën ata vetë nuk e konfirmuan asnjëherë publikisht.
Mirëpo së fundmi një veprim i tyre nuk la më vend për dyshime, pasi dyshja hoqën njëri-tjetrin nga Instagrami.
Nuk dihet se çfarë ka ndodhur, dhe kush e ndërmori hapin e parë për këtë, por ajo që kuptohet qartë është se të dy ata kanë shkëputur çdo lloj komunikimi.
Megjithatë ajo që nuk u shpëtoi ndjekësve ishte një ‘Story’ e Heidit, e cila duket se po e menaxhon mjaft mirë këtë situatë.
Së fundmi ajo është shfaqur në një ambient lokali teksa argëtohet nën shoqërinë e muzikës dhe alkoolit.
Kujtojmë se dyshimet se dyshja ishin ndarë nisën vëren e kaluar, në ditëlindjen e Romeo Veshajt, pasi nuk u pa që Heidi ta uronte publikisht. Aludimeve u erdhi fundit kur të dy personazhet fshinë nga rrjetet sociale fotot me njëri-tjetrit.
