Partnerja e yllit të futbollit Cristiano Ronaldo, Georgina Rodriguez, është bërë virale në rrjetet sociale pasi një video e saj gjatë një ore vallëzimi u përhap me shpejtësi në TikTok.
Në videon që Georgina postoi në profilin e saj zyrtar, ajo shihet duke kërcyer me ritmet e salsës, por në një moment humbet ekuilibrin dhe rrëzohet. Megjithatë, reagimi i saj plot të qeshura dhe sportiviteti i situatës morën vëmendjen e ndjekësve, duke e kthyer videon në një hit të menjëhershëm.
“El salsa nos pegamos, caemos y reímos mucho”, ka shkruar ajo në përshkrimin e postimit, duke treguar se e mori me humor incidentin.
Videoja arriti më shumë se një milion shikime brenda vetëm katër orësh, ndërsa fansat e saj e kanë lavdëruar për thjeshtësinë dhe pozitivitetin.
Përveçse partnere e Cristiano Ronaldos, Georgina është një modele, influencuese dhe biznesmene e suksesshme, e cila arrin të balancojë jetën profesionale me atë familjare.
Çifti i njohur është bashkë që nga viti 2016 dhe kanë dy vajza. Ata u takuan për herë të parë në Madrid, ku Georgina punonte në një butik luksoz. Në prill të vitit 2022, ata mirëpritën vajzën e tyre të dytë, megjithëse përjetuan edhe një humbje të dhimbshme, vëllain binjak të saj.
