Uji është një nga elementët më të rëndësishëm për të gjitha gjallesat. Deri në 60 për qind e trupit të njeriut të rritur përbëhet nga uji. Është thelbësor për reaksionet biokimike, furnizimin me lëndë ushqyese në të gjithë trupin dhe largimin e mbeturinave dhe ruajtjen e qarkullimit të gjakut dhe temperaturës së trupit. Por, gjatë këtyre ditëve ‘përvëluese’ që po kalojmë, si të qëndrojmë të hidratuar…
Pini ujë – dhe shumë prej tij
Sipas Qendrave për Kontrollin dhe Parandalimin e Sëmundjeve, rekomandimet e marrjes ditore të lëngjeve ndryshojnë sipas moshës, gjinisë, shtatzënisë dhe ushqyerjes me gji. Filloni duke pirë një filxhan ujë çdo mëngjes kur zgjoheni ose një gotë para gjumit. Më pas, konsumoni ujë gjatë gjithë kohës, qoftë edhe si pije freskuese.
Njihni shenjat e dehidrimit
A ndihet lëkura juaj e thatë, e irrituar, e përflakur, e kruar apo e ndjeshme? Kjo është një shenjë e dehidrimit. Përjetoni një dhimbje koke apo ndiheni të trullosur apo të lodhur? Kjo është një tjetër shenjë e dehidratimit.
Kontrolloni urinën tuaj
Një matje e mirë e hidratimit është ngjyra e urinës suaj. Urina e zbehtë, e ngjashme me ngjyrën e kashtës, tregon hidratimin e duhur, ndërsa urina më e errët është një shenjë se keni nevojë për më shumë ujë.
Shmangni alkoolin, pijet me sheqer dhe/ose kafeinën
Fakt i ndërlikuar – disa lëngje punojnë kundër hidratimit! Pijet si kafja, pijet e gazuara me sheqer, birra, vera dhe pijet e forta, limonada, çaji i ëmbël, pijet energjike, smoothies dhe qumështi me aromë janë të gjithë fajtorët.
Hani ushqime me përmbajtje të lartë uji
A e dini se afërsisht 80 për qind e konsumit tonë të ujit vjen nga uji i pijshëm? 20 për qind tjetër vjen nga ushqimi.
Konsumoni ujë gjatë aktiviteteve
Luani një sport? Niseni për një shëtitje? Është thelbësore të pini ujë gjatë gjithë këtyre aktiviteteve. Shkalla juaj e djersës, lagështia dhe sa kohë keni ushtruar janë të gjithë faktorë që duhen marrë parasysh.
Konsideroni një probiotik
Trupat tanë janë shtëpia e baktereve të mira dhe të këqija. Ato janë në gojën, zorrët dhe lëkurën tonë. Probiotikët janë mikroorganizma të gjallë që gjenden në kos dhe ushqime të tjera të kultivuara dhe suplemente që mund të ndihmojnë në përmirësimin e baktereve të trupit tuaj.
Përgatiti K.I / Burimi www.frederickhealth.or/Psikologjia
