Aktori i njohur koreano jugor, Song Jae-lim, është gjetur i vdekur në banesën e tij në Seul.
Mediat e huaja shkruajnë se trupi i pajetë i 39-vjeçarit u gjet në banesën e tij nga një mik i tij, pasi kishin planifikuar të hanin drekë.
I lindur në vitin 1985, Song filloi karrierën e tij si aktor në vitin 2009. Ai fitoi njohje të gjerë për portretizimin e një roje mbretërore në dramën historike të vitit 2012 “Moon Embracing the Sun” dhe arriti famë të mëtejshme përmes një paraqitje në reality show “We Got Married”.
Performanca e tij e fundit ishte në muzikalin “La Rose De Versailles”, i cili përfundoi në tetor.
Vdekjet e fundit të idhujve të K-pop-it dhe yjeve të K-dramës kanë nxjerrë në pah shqetësimet e vazhdueshme për shëndetin mendor dhe presionet në ato industri në Korenë e Jugut.
