- Advertisement -..
Aktori i famshëm, Zac Efron, ka pësuar një incident gjatë pushimeve në Spanjë.
Mediat e huaja raportojnë se ylli i “Family Affair”, ishte duke qëndruar në një vilë në Ibiza kur pësoi një incident të vogël gjatë përdorimit të pishinës. 36-vjeçari u dërgua në spital për masa paraprake dhe doli të nesërmen në mëngjes.
“Ai është mirë”, ka thënë përfaqësuesi i tij për mediat.
Në fillim të kësaj jave, aktori u shfaq në skenë me DJ Martin Garrix gjatë performancës së tij në hotelin Ushuaia Ibiza dhe Beach Club në qytetin spanjoll.
Në një video të kapur nga fansat e muzikantit “Animals” në “TikTok”, Efron shihet duke ecur në skenë gjatë një prej këngëve të Garrix dhe duke kërcyer përkrah tij, me brohoritje të shumta nga turma.
