Ardian Bujupi është përfolur prej muajsh për një trekëndësh dashuri. Emri i tij është lakuar krah ish-konkurrentes së “Për’puthrn” Jasmin Kadriu dhe balerinës Sabrine Khan. Mirëpo, një tjetër vajzë i është bashkuar atyre.
Këngëtari është fotografuar krah një bukurosheje bjonde duke ecur në Gjermani. Videoja e publikuar nga panorama plus është filmuar në mbrëmje dhe ata ecën të pashqetësuar dorë për dore, teksa identiteti i vajzës misterioze nuk dihet ende. A kemi të bëjmë me një videoklip? Nga këto pamje nuk duket sikur po xhirohet diçka, por nuk përjashtohet si mundësi.
Vlen të theksohet se para publikimit të videoklipit që kishte Jasmin si protagoniste, dyshja u fotografuan bashkë e më pas zbuluan se bëhej fjalë për një këngë.
I ftuar në ‘Prive’, Ardiani tha pak javë më parë se Jasminën e ka shoqe dhe takohen çdo herë që ai vjen në Tiranë. Po ashtu, u shpreh se nuk sheh për lidhje kur realizon videoklipe, referuar pjesëmarrjes së Jasminës në videoklipin e tij.
