Aktori i njohur i humorit, Rezart Veleshnja, është arrestuar nga Policia e Durrësit pas një kallëzimi për mashtrim. Veleshnja akuzohet se i ka marrë një automjet një qytetari dhe më pas e ka shitur atë.
Sipas njoftimit zyrtar të Policisë së Durrësit, ngjarja ndodhi pas kallëzimit të bërë nga shtetasi Y.T., i cili pretendon se aktori, përmes mashtrimit, i mori automjetin dhe e tregtoi më tej.
Specialistët për Hetimin e Krimeve të Komisariatit të Policisë Durrës ndaluan shtetasin Rezart Veleshnja, banues në Tiranë, pasi me anë të mashtrimit, i ka marrë një automjet shtetasit Y.T. dhe më pas e ka shitur,” deklaroi Drejtoria Vendore e Policisë Durrës në një njoftim për shtyp.
Autoritetet kanë nisur hetimet për të sqaruar rrethanat e ngjarjes, ndërsa aktori mbetet në paraburgim. Deri më tani, nuk ka pasur një reagim publik nga Veleshnja.
