Edhe pse pabesia mund të rrezikojë një marrëdhënie, ajo është ende e zakonshme. Një përmbledhje e hulumtimeve mbi pabesinë zbuloi se rreth 20 deri në 25% e çifteve të martuara tradhtojnë të paktën një herë gjatë marrëdhënies së tyre.
I njëjti vlerësim diskuton ndryshimet me kalimin e kohës në atë se kush tradhton, pasi gratë tani po “e mbyllin hendekun” dhe shkalla e tyre e pabesisë po i afrohet asaj të burrave.
A janë arsyet e grave për të tradhtuar të ndryshme nga ato të burrave? Një studim më i kohëve të fundit, i botuar në Evolution and Human Behavior, kërkoi të mësonte pse gratë tradhtojnë, duke eksploruar përgjigjet e 116 grave jobesnike (dhe 138 burrave jobesnikë) nga vende të ndryshme. Dr. Theresa E. DiDonato, Ph.D., psikologe dhe profesoreshë e psikologjisë në Universitetin Loyola të Maryland, komenton mbi rezultatet e studimit në një artikull në Psychology Today. Sipas tyre, përgjigjet e grave përfshinin arsyet e mëposhtme:
Ato nuk ishin të lumtura në marrëdhënie (64.66%), duke reflektuar një situatë komplekse, duke pasur dy herë më shumë gjasa të tradhtonin krahasuar me burrat.
Ata e shohin partnerin e tyre duke u distancuar (22.41%). Gratë ndiejnë sikur partneri i tyre nuk po investon në marrëdhënien e tyre.
Ato duan hakmarrje (15.52%), veçanërisht nëse partneri i tyre ka qenë i pari jobesnik.
Ato janë të mërzitura ose kërkojnë diçka të re (12.93%).
Ato janë të pakënaqura seksualisht (8.62%).
Ato kërkojnë afirmim (6.90%), veçanërisht nëse partneri i tyre nuk ua ofron atë.
Ato e duan ose e dëshirojnë të dashurin/të dashurën e tyre (6.89%).
Ato e dinë se marrëdhënis se tyre po i vjen fundi (6.03%) dhe se pabesia mund të jetë goditja përfundimtare.
Marrëdhënia e tyre është në distancë të gjatë (3.45%). Kur çiftet jetojnë në vende të ndryshme, ata janë më pak të integruar në jetën e njëri-tjetrit, duke lënë më shumë mundësi për pabesi.
Edhe pse këto arsye ishin më të zakonshmet në këtë mostër grash, lista nuk është e plotë. Së bashku me arsyet më pak të cituara që dolën në këtë studim (p.sh., problemet e shëndetit mendor, stresi), njerëzit mund të tradhtojnë edhe për arsye që janë unike për situatën e tyre të marrëdhënies.
Midis shumë shpjegimeve për pabesinë, del në pah një model mbizotërues: Pabesia duket se lidhet me mungesën e kënaqësisë së nevojave. Kur nevojat për përkatësi dhe lidhje, nevojat seksuale, nevojat për vetëvlerësim ose nevojat sociale nuk plotësohen, gratë mund të jenë në rrezik më të madh për t’u angazhuar në pabesi, shpjegon eksperti.
Kjo nuk do të thotë që mungesa e kënaqësisë automatikisht do të thotë pabesi. Në vend të kësaj, ai përfundon se kjo sugjeron rëndësinë e shqyrtimit të përmbushjes së nevojave të përgjithshme të grave si një faktor rreziku për pabesinë.
