Modelja dhe aktorja nga Kosova, Arta Nitaj është distancuar nga jeta publike prej disa muajsh tashmë. Arta është në pritje të ëmbël dhe duket se ka vendosur ta shijojë këtë periudhë në qetësi totale, duke mos marrë pjesë në asnjë dalje televizive dhe duke mbyllur rrjetet sociale.
Lajmi i shtatzënisë u bë publik në media në muajin maj dhe madje u zbulua se Arta është në pritje të një djali. Edhe pse ajo vetë nuk ka bërë asnjë reagim publik, kushërira e saj ka postuar një foto duke e konfirmuar kështu lajmin.
Në këtë fotografi, Arta shihet për herë të parë me barkun e rrumbullakosur, ndërsa kushërira e saj e përqafon rreth barkut.
Bukuroshja nga Peja është zhvendosur në Shqipëri për të jetuar, sipas burimeve të afërta me të. Megjithatë, detajet rreth bashkëshortit të saj mbeten ende të paqarta, pasi ajo ka zgjedhur të ruajë privatësinë e jetës së saj personale.
