Adrola Dushi ishte e ftuar mbrëmjen e djeshme në emisionin “Më Lër Të Flas”. Modelja shqiptare gjatë kësaj interviste ka rrëfyer shumëçka nga jeta e saj personale.
Ajo në një moment të bisedës tregoi një detaj shumë të rëndësishëm nga fëmijëria e saj. Miss-i rrëfeu për publikun se ka punuar që kur ishte e vogël. Puna e parë për Adrolën ka qenë në vendlindjen e saj, Rrëshen duke shitur rroba me të ëmën. Ajo tregoi se në njëfarë mënyre kjo e ka rritur jashtë mase, ku nuk nguroi të tregonte se në atë kohë nuk e kuptonte dhe ndonjëherë i vinte turp.
“Ideja është që unë jam një vajzë që kam punuar që e vogël dhe e kam thënë faktikisht këtë gjënë dhe jam shumë krenare për këtë gjë. Kam punuar, kam shitur rroba me mamin për 10 vite në Rrëshen. Dhe është diçka që mua më ka bërë jashtëzakonisht mirë, edhe pse atëherë mbase më vinte pak turp, ndjehesha pak keq nga moshatarët e mi a ku di unë se ça. Tani ndjehem shumë me fat që e kam bërë atë gjë. Dhe më ka rritur pafund,”-është shprehur Adrola Dushi.
Ju kujtojmë që po në këtë intervistë më herët e pyetur nëse është në një marrëdhënie, Adrola refuzoi të jepte një përgjigje duke thënë deklaratën tipike: “Jam në dashuri me veten”.
Duke folur për të birin, Adrola u shpreh se pengu i saj i vetëm është se nuk ka kaluar kohë mjaftueshëm me të. Teksa shtoi se po përpiqet të jetojnë bashkë pa shkëputje për shkak të angazhimeve të saj. “Nuk e kam kohën maksimale me Troin. Tani jemi afruar shumë por e di nevojën që ka ai për nënën. Po mundohem të bëj maksimumin që shumë shpejt të jetoj pa lëvizur me të. Kur jemi bashkë jemi shumë të lumtur. Unë i vetmi pishman që kam, është që nuk kaloj dot kohën e plotë me të.”
