Bora Zemani dhe Donald Veshaj janë rikthyer sërish në qendër të vëmendjes pasi u fotografuan nën shoqërinë e njëri-tjetrit.
Tani më shumë se asnjëherë, çdo postim i Bora Zemanit dhe Donald Veshajt ndiqet me vëmendje të madhe nga ndjekësit e tyre, të cilët analizojnë gjithçka deri në detaj. Kështu ka ndodhur me postimet e fundit të moderatores, e cila ndau disa foto dhe video nga eventi i Valdrin Sahitit, ku ajo dhe aktori u fotografuan për herë të parë bashkë që pas përfundimit të BBV.
Por në një nga videot e publikuara, Bora ka ripostuar edhe një fragment ku mes të ftuarve të tjerë në event duket Donaldi. Megjithëse story u fshi brenda disa minutave nga profili i moderatores, ndjekësit kanë ruajtur dhe shpërndarë në rrjet këtë postim të saj.
Bora Zemani bëri mbrëmjen e djeshme postimin e parë në llogarinë e saj në Instagram, që pas publikimit të fotove të saj krah ish të dashurit. Menjëherë ndjekësit, duke lënë mënjëanë pjesëmarrjen e saj në sfilatën e Vladrin Saitit, kanë vërshuar në komente që lidhen vetëm me një emër: Donald Veshaj.
