Djemtë e David dhe Victoria Beckham, Brooklyn dhe Romeo thuhet se janë të larguar dhe nuk flasin. Sipas TMZ, njerëzit e afërt të familjes zbulojnë se tensioni është i lidhur me partneren e Romeos, Kim Turnbull, e cila më parë kishte një lidhje të shkurtër me Brooklyn.
Megjithatë, të njëjtët theksojnë se sherri nuk është për shkak të xhelozisë, por shqetësimeve për qëllimet e Turnbull në lidhje me marrëdhënien e saj me një djalë tjetër të familjes Beckham.
Kim Turnbull, 23 vjeç, e cila punon si Dj në Londër, mori pjesë në festën e 50-vjetorit të David Beckham në Miami të dielën, së bashku me Romeon dhe shumicën e familjes së famshme. Megjithatë, Brooklyn dhe gruaja e tij, Nicola Peltz Beckham, mungonin në ngjarje, siç thuhet për shkak të grindjes së tyre me Romeon.
Në fakt, të njëjtët raportojnë se çifti nuk ka në plan të marrë pjesë në asnjë event familjar ku do të jetë i pranishëm Turnbull, gjë që shpjegon mungesën e tyre në sfilatën e Victoria Beckham marsin e kaluar.
Tensioni mes vëllezërve është parë edhe në një postim të fundit të Romeos në Instagram, ku ka shpërndarë një foto nga festa e babait të tyre. Në postim, ai etiketoi Turnbull, motrën e tij Harper, prindërit e tij, Cruise Beckham dhe partneren e tij Jackie Apostel, duke lënë jashtë Brooklyn.
Romeo konfirmoi publikisht lidhjen e tij me Turnbull në nëntor 2024, ndërsa vetëm një muaj më parë ai ishte kapur në momente romantike me Grey Sorrenti. Më parë, Romeo ishte në një lidhje pesëvjeçare me Mia Regan, me të cilën u divorcua në shkurt të vitit 2024. Deri më tani, përfaqësuesit e Brooklyn Beckham dhe familjes Beckham nuk i kanë komentuar thashethemet.
