Dolores Cannon ishte një hipnoterapiste, autore dhe studiuesja e njohur për eksplorimin e ndërgjegjes njerëzore, jetëve të kaluara dhe realiteteve të tjera dimensionale. Për më shumë se 40 vjet, ajo punoi me mijëra pacientë duke përdorur metodën e saj unike të hipnoterapisë, të njohur si Quantum Healing Hypnosis Technique (QHHT), ndryshe Hipnoza Regresive. Kjo teknikë e thellë e lejonte njerëzit të hynin në një gjendje transi ku ata mund të lidhen me nënndërgjegjen e tyre më të lartë, të kujtojnë përvoja nga jetët e tyre të mëparshme dhe të marrin përgjigje për pyetje të mëdha mbi ekzistencën.
Teoritë dhe gjetjet kryesore të Dolores Cannon
1. Tri Valët e Vullnetarëve
Sipas Cannon, pas Luftës së Dytë Botërore, tre valë shpirtrash të avancuar u mishëruan në Tokë me një mision: të ndihmojnë njerëzimin të kalojë në një nivel të ri ndërgjegjeje. Këta individë shpesh ndihen të ndryshëm nga të tjerët, kanë një ndjeshmëri të thellë dhe një ndjenjë të fortë misioni.
2. Toka e Re dhe ndryshimet dimensionale
Cannon besonte se planeti ynë po kalon një transformim të madh shpirtëror, ku një “Tokë e Re” po krijohet në një dimension më të lartë të frekuencës dhe energjisë (kalimi i tokës nga frekuenca 3 në 4). Vetëm ata që rrisin ndërgjegjen dhe frekuencën e tyre do të jenë në gjendje të kalojnë në këtë realitet të ri.
3. Qeniet Supreme dhe inteligjenca universale
Gjatë seancave të saj, shumë pacientë lidhen me një burim të madh dijesh, të cilin ajo e përshkroi si një energji supreme që ka të gjitha përgjigjet për jetën dhe ekzistencën tonë.
4. Kontaktet me qenie jashtëtokësore
Cannon regjistroi dëshmi të shumta nga pacientët që përshkruanin përvoja me qenie jashtëtokësore dhe qytetërime të zhvilluara në dimensione të tjera. Ajo argumentonte se shumë prej tyre janë mbrojtës të njerëzimit dhe po ndihmojnë në evoluimin e ndërgjegjes sonë.
5. Origjina e jetës dhe historia e patreguar e tokës
Nëpërmjet regresioneve hipnotike, Cannon zbuloi të dhëna që sfidojnë versionin tradicional të historisë, duke sugjeruar se qytetërime të avancuara kanë ekzistuar shumë kohë përpara atyre që njihen nga shkenca zyrtare.
6. Trashëgimia e Dolores Cannon
Dolores Cannon shkroi mbi 17 libra, ku më të njohurit përfshijnë The Three Waves of Volunteers and the New Earth, Between Death and Life, dhe Convoluted Universe – një seri që eksploron realitetet alternative dhe natyrën multidimensionale të shpirtit.
Puna e saj vazhdon të ndikojë dhe të frymëzojë mijëra njerëz në të gjithë botën, duke ofruar një perspektivë të re mbi jetën, vdekjen, universin dhe fuqinë e vetëdijes njerëzore.
Për shumëkënd, Dolores Cannon mbetet një udhërrëfyese shpirtërore që i ndihmoi njerëzit të kuptojnë se jeta është shumë më e madhe dhe më misterioze sesa duket.
