Konflikti mes Sarës, Edit dhe Drilonit u risoll në vëmendje në “Prime”-in e djeshëm. Në ekran u shfaq një klip që përmbledhte ngjarjet e tensionuara mes Sarës, Edit dhe Drilonit.
Një nga momentet më të diskutueshme ishte vendimi i Sarës për të sakrifikuar 10 mijë euro nga çmimi i madh, vetëm për të parë çfarë ishte thënë pas shpinës së saj. Klipi zbuloi komente ofenduese nga Edi, ku ai dyshohet të ketë përdorur gjuhë fyese ndaj saj.
Një nga fjalët më të rënda që u dëgjua ishte: “Kjo k*urva,” një shprehje që shkaktoi tronditje si brenda shtëpisë ashtu edhe jashtë saj. Pavarësisht ashpërsisë së situatës, opinionistja Olta Gixhari zgjodhi një qasje më të butë. Në vend që të kritikonte Edit për ofendimet, ajo e përgëzoi për kërkimin e faljes që bëri ndaj Sarës pas shfaqjes së videos.
“Më ka pëlqyer shumë sjellja e Edit. I kërkoi disa herë falje. Bravo Edi,” tha Olta, duke vlerësuar përpjekjen e Edit për të reflektuar mbi veprimet e tij të pahijshme.
