Dashi
Po bëheni të padurueshëm me pretendimet për një pronë apo post. Bëhuni praktikë e shikoni të gjitha mundësitë që ju jepen. Është koha të bëni një lëvizje taktike me financat duke investuar në një projekt biznesi. Pika e dobët është narcizizmi, çelësi i suksesit; fantazia.
Demi
Mania juaj për të përgjuar se çfarë thonë të tjerët ju ka bërë të padëshiruar për rrethin miqësor. Në dashuri po ecni me symbyllur e pa frena. Parashikohen zhvillime të vrrullshme në sferën sociale që nuk do kenë mbështetjen e të gjithëve. Kujdes duhet të tregoni për çështjet financiare, ndërsa në raport me procesin profesional, nuk do ju ecë çdo gjë vaj. Pika e dobët është pasiguria në punë, çelësi i suksesit; buzëqeshja.
Binjakët
Një person pranë jush po jeton ndjenja të ëmbla sentimentale, jepini vëmendje. Financat janë të mira ndaj mund të bëni ndonjë udhëtim romantik. Binjakë të dashur pasi jeni rikuperuar nga një emocion i së kaluarës, erdhi momenti për të shfaqur gjithë zhdërvjellësinë tuaj. Lumturia vjen kur nuk e prisni, ndaj mos lini të kalojnë momentet e bukura. Pika e dobët është pabesia; çelësi i suksesit; simpatia.
Gaforrja
Rregulloni raportet me ish-partnerin për të sheshuar një hatërmbetje që ju lëndon. Dashuria është në qiellin e shtatë, gëzojeni. Planifikoni të punoni me orë të zgjatura sepse një projekt në grup do ju sjellë shumë fitime. Lakmia për më shumë para do ju bëjë të lini pas dore një person që pret nga ju për të përfunduar punët e lëna pezull. Pika e dobët sot është mungesa e modestisë, çelësi i suksesit; vetëbesimi.
Luani
Në sferën financiare po shihni ditë të mira. Profesionalisht sot do merrni lajme që do ju gëzojnë, por do jua shtojnë edhe përgjegjësitë. Shëndeti është i mirë, ndërsa ju duhet të tregoni kujdes me fjalët që mund të prekin sedrën e dikujt. Pika e dobët është shëndeti; çelësi i suksesit; paratë.
Virgjëresha
Lojërat me zemrën nuk mund të rrezikojnë përtej durimit. Lutjet tuaja për një harmoni në familje duket se janë plotësuar. Njerëzit po tregohen të përzemërt, shfrytëzojeni për të arritur synimet tuaja. Merrni gjithë kohën tuaj për t’u relaksuar. Shëndeti është i shkëlqyer, ruani stabilitetin me aktivitet fizik. Financat po shënojnë rritje. Pika e dobët është nxitimi, ndërsa çelësi i suksesit; fleksibiliteti.
Peshorja
Qëndroni seriozë në çështjet profesionale për t’i dhënë rëndësi pozicionit tuaj. Kurseni para për të patur rezerva më vonë. Peshoni çdo rast që ju jep sfera sentimentale. Hapeni zemrën dhe dorëzohuni në krahët e dashurisë. Kolegët kanë besim tek ju falë sigurisë që u falni. Pika e dobët është indiferentizmi edhe çelësi i suksesit; përpikmëria.
Akrepi
Dikush ju përgjon në çdo veprim që bëni, tregohuni vigjilentë. Zemra juaj nuk jepon pa dashuri. Shkarkojeni tensionin e kohëve të fundit dhe bëni sa më shumë aktivitet fizik. Pika e dobët, kujtimet e vjetra; çelësi i suksesit; pozitiviteti.
Shigjetari
Lëvizni me kujdes në planin profesional për të mos rënë në sy për keq për shkak të lakmisë nga e cila nuk hiqni dot dorë.Jeni bërë melankolikë. Natyra juaj e rrëmbyer dhe pasionante u ka rënë në sy shumë personave dhe duhet të tregoheni të zgjuar për të kuptuar ata që janë të sinqertë. Pika e dobët është përgjumja, çelësi i suksesit; inteligjenca.
Bricjapi
Kusuret e një debati që po i vuani tani do ju kushtojnë pak nervat. Po kaloni një periudhë të begatë në familje. Udhëtimet drejt të afërmëve janë shtuar për shkak të një pauze në punë që në fakt nuk është aq pozitive nëse vazhdoni ta zgjasni. Pika e dobët sot është mungesa e sinqeritetit, çelësi i suksesit; sensi fantastik i humorit.
Ujori
Sfera financiare është e shtuar tashmë, ndërsa dashuria nuk mungon kurrë rreth jush. Keni ngecur në grackën e liderit. Ky post po ju shijon dhe keni harruar se çfarë janë sakrificat. Sharmi juaj u pëlqen edhe të tjerëve dhe ju bëjnë gjithmonë vend me përzemërsi. Pika e dobët është shpërdorimi i besimit, çelësi i suksesit; vullneti.
Peshqit
Aferat financiare mos i refuzoni. Në dashuri studioni me kujdes se çfarë synimesh ka partneri. Peshq të këndshëm ruani reputacionin e mirë që gëzoni në publik. Rrethi shoqëror ju konsideron person me rëndësi. Pika e dobët është njeriu i zemrës, çelësi i suksesit; zemërgjerësia.
