Këngëtarja e njohur, Barbana Dini, është bërë nënë për herë të dytë. Ajo është bekuar me një vajzë dhe lajmin e bukur e ka bërë me dije vetë artistja përmes një postimi në llogarinë e saj personale të “Instagram”-it.
Dini ka zbuluar se e bija ka ardhur në jetë më 5 nëntor, por lajmin e ndau me ndjekësit vetëm një ditë më parë.
Ndër të tjera, mes fjalëve emocionuese për vogëlushen, Barbana zbuloi dhe emrin e saj: “Elia Mary Parubi!”.
“5 nëntor 2024 lindi mrekullia ime e dytë Elia Mary Parubi! Zot, faleminderit! Përulem para teje… Ky rrugëtim nuk ka qenë i lehtë për ne të dyja bebja ime, por ia ka vlejtur çdo sekondë. Thonë që asgjë nuk ka vlerë para jetës, dhe është e vërtetë ti dhe Ergola jeni jeta ime… kam bërë dhe do të bëja gjithçka për ju! Sot u bë një muaj që na e zbukurove akoma më shumë jetën dhe botën tonë!”, shkruan Dini në postimin e saj.
Kujtojmë se këngëtarja prej disa kohësh jeton në Shtetet e Bashkuara të Amerikës, së bashku me partnerin e saj. Ata janë prindër edhe të një vajze tjetër, Ergola Ergi Parubi.
