Kim Kardashian i kërkoi falje familjes së saj për mënyrën sesi ish-bashkëshorti i saj Kanye West i trajtoi ata në sytë e publikut.
41 vjeçarja tha në episodin e së enjtes të “The Kardashians” në Hulu se ajo ishte lodhur duke mbrojtur reperin dhe nuk do të “lejonte askënd t’i trajtonte më të dashurit e saj në atë mënyrë”.
Kim u ul me nënën Kris Jenner, motrat Kourtney Kardashian, Khloé Kardashian dhe Kendall Jenner, të dashurin e Kris, Corey Gamble dhe të fejuarin e atëhershëm të Kourtney, Travis Barker, për t’i paralajmëruar se West do të sillte një këngë të re. “Ai po flet si i çmendur për mua,” i tha atyre Kim.
“Shumica e burrave nuk e ulin nënën e fëmijëve të tyre ashtu publikisht,” tha Khloé. “Ne nuk duhet të ulemi këtu dhe të kritikojmë sepse do lëndohemi nga kjo.”
Kris vuri në dukje se Kim “nuk ka bërë asgjë tjetër veçse ka qenë e shkëlqyer me të” pavarësisht sharjeve të shumta të Kanye në mediat sociale kundër saj dhe familjes së saj – dhe së fundmi, të dashurit Pete Davidson. “Kur njerëzit thonë gjëra nënçmuese për cilindo prej nesh, na lëndon të gjithëve sepse një ditë fëmijët tuaj do t’i lexojnë të gjitha dhe do t’i shohin të gjitha, dhe kjo është diçka për të cilën të gjithë duhet të jenë vërtet të vetëdijshëm,” -tha Kris.
Khloé i tha motrës së saj më të madhe se “nuk do të pendohet kurrë që është një person i mirë dhe se nuk duhet të ulet kurrë në nivelin e njerëzve të tjerë”, gjë të cilën Kim e pranoi.
“Gjithçka që mund të bëj është të kontrolloj se si reagoj ndaj diçkaje,” i tha Kim familjes së saj. “Unë nuk mund të kontrolloj se si ai më trajton mua ose, e dini, se si ju trajton gjithmonë juve. E di ndikimin që lidhja ime ka pasur në familjen tonë dhe po përfitoj nga rasti për t’ju kërkuar falje.
Dhe e kam mbrojtur për kaq shumë kohë, por thashë se nuk do ta lejoj më kurrë që të ndodhë me ju dhe një herë në jetën time po ndihem e fortë”, përfundoi ajo bisedën.
Rritjet dhe uljet e reperit me familjen e ish-it të tij janë dokumentuar gjatë viteve.
Ai më parë iu referua Kris si një “supremaciste e bardhë” dhe e quajti atë “Kris Jong-Un” në një prej komenteve të tij në Twitter të korrikut 2020. Ai më pas ndryshoi qëndrimin e tij dhe e lavdëroi atë si një “hero”, por e quajti “pa zot” në shkurt. Kim bëri kërkesë për divorc nga fituesi i ‘Grammy’ në shkurt 2021 dhe ata u shpallën ligjërisht beqarë këtë mars. Ata kanë katër fëmijë: North, Saint, Chicago dhe Psalm.
