Beatrix Ramosaj ka treguar se i merr me sportivitet gafat që ka bërë në “Big Brother VIP” dhe nuk ka ngurruar t’i risjellë. Madje, edhe komentin që i bëri Bora Zemanit për puthjen e saj me Donald Veshajn.
“Më kujtuat se sa bukur është të dashurosh. Me zemër në dorë dje i çmenda komshinjtë duke bërtit. Të dua zemër”. – i shkroi këngëtarja Borës në fotot që postoi ajo pas surprizës që i bëri Semit dhe Donaldit në “Big Brother VIP”. Ky koment mori vëmendje sidomos pas lidhjes së saj me Donaldin dhe njerëzit e risollën në vëmendje si një gjë jo shumë të bukur.
Pavarësisht kritikave apo interpretimeve që iu bënë këtij komenti, Beatrix duket se po e përdor për marketing.Ajo ka postuar sot një status në Twitter ku shkruan “Komshinjtë e kujt do çmenden këtë javë”. Kaq ka mjaftuar që ndjekësit të shpërthejnë në komente, disa suportues, e të tjerë kritikë. Nuk dihet për çfarë e ka fjalë ajo por ka dyshime se po flet për këngën e re.
Kjo nuk është hera e parë që Beatrix e përmend këtë komet. Edhe kur ishte e ftuar në “Fan Club” ajo tha se i çmendi komshinjt kur doli Egzona.
Teksa Beratrix ‘çmend komshinjt’ prej javësh Donaldi në fakt po përflitet për një rikthim me Bora Zemanin. Madje së fundmi është aluduar se ata do jenë protagonistë në një film. Moderatorja është shfaqur krah regjisorit Erion Bubullima dhe ndonëse asnjëri prej tyre nuk ka thënë asgjë, pamjet e dyshes në Vjenë, (aty ku jeton edhe regjisori) mjaftojnë për të aluduar ç’po ndodh.
Sa i përket Beatrix nuk ka asnjë detaj konkret që e ka lidhur atë me Donaldin këtë periudhë. Pak ditë pas daljes nga “Big Brother VIP” ajo njoftoi se është ndarë nga aktori dhe më pas ata hoqën njëri-tjetrin nga rrjetet sociale duke mos zbuluar se çfarë ka ndodhur.
