Identiteti i njërës prej grave që akuzoi së pari Diddy për sulm seksual është zbuluar.
Ajo është ish-gruaja e yllit të NHL, Evander Kane, Anna. Ajo ngriti një padi kundër muzikantit në dhjetor 2023, me pseudonimin “Ms. Doe”, sipas TMZ.
“Shpresoja të përdorja një pseudonim për të kërkuar drejtësi për atë që më ndodhi si adoleshente. Kërkesa e të pandehurve që të përdor emrin tim ishte një përpjekje për të më frikësuar, por unë nuk jam e frikësuar. Unë jam gati të vazhdoj përpara dhe të kërkoj llogari nga ata që më kanë dëmtuar”, thotë ajo.
Në padinë që ka ngritur kundër Diddy, ajo pretendon se ishte 17 vjeç kur muzikanti, Harvey Pierre (ish-president i Bad Boy Entertainment) dhe një burrë tjetër e droguan dhe e përdhunuan.
Në fakt, dokumentet përfshijnë një foto të gruas së ulur në prehrin e Diddy-t. Siç shprehet ajo, “shqetësimi emocional dhe ndjenjat e turpit që i shkaktuan asaj e rrënuan jetën dhe marrëdhëniet e saj personale për 20 vjet”.
Anna pretendon se ishte në shkollë dhe jashtë me miqtë në një klub nate në Detroit kur takoi për herë të parë Pierre. Sipas përshkrimit të saj, ai i tha asaj se ishte “e nxehtë” përpara se të këmbëngulte se “miku i tij më i mirë” dhe “vëllai” Combs do të donte ta takonte.
Ajo më pas e thirri Diddy-n në telefon dhe ai i tha asaj se duhej të udhëtonte me Pierre në Nju Jork. Ajo pranoi, por siç thotë ajo ishte nën efektin e drogës, pasi ai i ofroi kokainë.
Anna Kane thotë se më pas u dërgua në studion e regjistrimit të Daddy’s House, ku dyshohet se iu dha më shumë drogë dhe alkool.
