Mbrëmjen e djeshme, Vëllai i Madh i surprizoi katër finalistët e “Big Brother VIP 4”. Në shtëpinë më të famshme në Shqipëri hynë disa nga moderatorët e njohur të Top Channel.
Pasi darkuan të gjithë bashkë, katër banorët e këtij edicioni të katërt të reality show-t u vendosën përballë pyetjeve të tyre.
Bieta Sulo i bëri një pyetje Laert Vasilit, në lidhje me çiftet që u krijuan në këtë BBV 4.
“E kam pyetjen për Laertin. Historia e vërtetë e dashurisë brenda kësaj shtëpie, e këtij edicioni?”, ishte pyetja e moderatores së emisionit “Ftesë në 5”
Nuk ishte Laerti ai që dha përgjigjen e pari pasi menjëherë Gjesti u shpreh:
“Nuk ka”, duke shkaktuar të qeshura mes të ftuarve dhe katër finalistëve.
Ndërkohë aktori i njohur u përgjigj:
“Historia e vërtetë e dashurisë ka qenë mes meje dhe Aldos”, duke shkaktuar edhe të qeshura.
Menjëherë ia pret Rozana:
“U gropos fare. E groposi veten”.
