Mbrëmë në “Goca dhe Gra” ishte e ftuar Livia Brunga, e cila ka zbuluar disa detaje të shumta për marrëdhënien e saj me Mevlan Shabën.
Ajo u shpreh se ka vendosur që të flasë për këtë, pasi sipas saj, vajzat duhet të flasin.
“Vajzat duhet të çojnë kokën, duhet të flasin. Pse ai njeri të luaj me shumë porta, edhe ne të rrijmë në heshtje, nuk është e drejtë kjo gjë”, tha Livia, e cila shtoi nga e gjithë kjo situatë i vjen keq për veten e saj.
E pyetur se çfarë i ka thënë mamaja e saj, Brunga shprehet:
“Mami im është psikologe, edhe gjithmonë e ka ditur se nuk është për mua. E ka kuptuar se nuk ishte njeri i sinqertë. Mami më tha ‘shyqyr shpëtove”.
Livia tregoi më pas tregoi se i kanë shkruar familjarë të Mevlanit, të cilët nuk ka pasur mundësi që t’i njohë personalisht.
“Më kanë shkruar ‘jemi të shokuar, nuk e prisnim një gjë të tillë’. As ato nuk e dinin”, tha Brunga, e cila tha se Mevlanin ‘nuk dëshiron t’a shohë me sy’.
