Pranvera dhe kalimi gradual në temperaturat e verës mund të jetë një periudhë kur ndiejmë lodhjeje që mund t’i bëjë ditët tona më të vështira.
Vështirësia për të rënë në gjumë në mbrëmje, përgjumja gjatë ditës, nervozizmi dhe vështirësia në përqendrim janë veçanërisht të shpeshta gjatë ndryshimeve sezonale, si kur kalojmë nga dimri në pranverë, por edhe kur mbërrijnë ditët e para të nxehta të fillimit të verës.
Muaji maj mund të jetë veçanërisht kritik, me alternimin e tij tipik të ditëve të freskëta dhe atyre më të ngrohta.
Këto tranzicione të vazhdueshme mund ta vënë trupin në provë, i cili manifeston shqetësimin e tij me simptoma që shpesh përcaktohen si “ethet e pranverës”.
Pse ndodh?
Mund të shkaktohet nga:
Ndryshimet e temperaturës
Ndryshimet në presionin atmosferik
Çrregullimi i ritmit biologjik të trupit (cirkadian)
Rritja e ekspozimit ndaj dritës së diellit
Rritja e ngarkesës nga shkolla apo puna
Këto ndikojnë në humor dhe nivelet e energjisë.
Këshilla për të luftuar lodhjen pranverore
1. Flini mirë dhe rregullisht
Flini 7-8 orë çdo natë
Mbani orar të rregullt gjumi
Shmangni pajisjet elektronike para gjumit
Kufizoni kafeinën
2. Ushqehuni shëndetshëm dhe lehtë
Hani ushqime të pasura me vitamina dhe minerale (p.sh. perime jeshile, fruta, drithëra integrale, arra)
Përdorni ushqime me hekur, magnez dhe kalium për të luftuar lodhjen
3. Pini mjaftueshëm ujë
Pini të paktën 1.5 litra ujë në ditë
Dehidratimi mund të shkaktojë lodhje
Uji ndihmon funksionet trupore dhe rrit energjinë
4. Bëni aktivitet fizik rregullisht
Ecja, vrapi ose yoga ndihmojnë në përmirësimin e humorit dhe energjisë
Stërvitja në natyrë ndihmon me vitaminën D
Është më mirë të ushtroheni në mëngjes
5. Qëndroni në dritë natyrore
Drita e diellit ndihmon ritmin biologjik dhe humorin
Edhe një shëtitje e shkurtër jashtë çdo ditë bën ndryshim
