Amos Zaharia, aktori i cili u bë viral pas deklaratës se Luiz Ejllin do e çonte në mal dhe do ta zhvishte lakuriq, së fundmi ka zbuluar të vërtetën që fshihet pas këtyre fjalëve.
I ftuar së fundmi në emisionin e moderatores Ester Bylyku ‘Glamour Zone’, Amos rrëfeu se shumë banorë nuk janë si duket, madje disa i cilësoi si djaj.
Ester Bylyku: Nuk di si ta bëjë bukur pyetjen lidhur me deklaratën që ti ke dhënë për Luizin, se do ta zhvishje në një mal. Pse e the atë gjë?
Amos Zaharia: Pavarësisht se unë e kam thënë që kam një humor shumë serioz, që shumë pak njerëz e kuptojnë, dhe kjo është natyra e humorit tim. Deklarata erdhi si pasojë e shumë banorëve, që për një javë e gjysmë vëtem ankoheshin për mënyrën si bullizoheshin dhe si talleshin nga Luizi. Dhe për ironi të fatit, po të njëjtët banorë thanë që jemi me Luizin dhe s’ka si ai. Ndërsa brenda shtëpisë vetëm ankoheshin. Ajo deklaratë nuk është bërë me sens vërtetësie, sepse unë nuk i kam bërë keq kurrë askujt në jetën time.
